Глоб Интернэшнл төв, “Бүх нийт боловсролын төлөө!” Иргэний нийгмийн үндэсний эвсэлтэй хамтран “Боловсролын салбар дахь ил тод ба хариуцан тайлагнах байдал” семинарыг 2015 оны 12 дугаар сарын 14-ний өдөр Улаанбаатар хотод зохион байгуулж байна.

“Боловсролын салбар дахь ил тод ба хариуцан тайлагнах байдал” төслийн цахим хуудас вэб портал хийх компани, баг хамт олон, хувь хүн сонгон шалгаруулна.

Access байгууллагаас эрхлэн гаргасан “Харилцаа холбоог мөрдөн тагнах ажиллагаанд хүний эрхийн олон улсын зарчмыг баримтлах талаарх бүх нийтээр хэрэгжүүлэх удирдамж” гарын авлагыг монгол хэлээр орчуулан танилцуулж байна.

2015 оны 11 дүгээр сарын 2-3-ны өдрүүдэд Глоб Интернэшнл Төв, Нээлттэй Нийгэм Форум болон Цахим өртөө холбоо хамтран Нээлттэй Нийгэм форумын хурлын танхимд зохион байгуулах “Үзэл бодлоо илэрхийлэх эрх чөлөө ба Интернэт” сэдэвт олон талт зөвлөлдөх уулзалтын хөтөлбөртэй танилцана уу.

“Сэтгүүлчдийн эсрэг гэмт үйлдэл ял шийтгэлгүй үлдэж буйг таслан зогсоох олон улсын өдөр”-т зориулсан хэлэлцүүлэг Нээлттэй Нийгэм Форумын хурлын танхимд 09.00-12.30 цагт болно.

ЮНЕСКО, “Сэтгүүлчдийн эсрэг гэмт үйлдэл ял шийтгэлгүй үлдэж буйг таслан зогсоох олон улсын өдөр”-ийг тохиолдуулан Үзэл баримтлалын баримт бичиг гаргасан байна. Нэгдсэн Үндэсний Байгууллагын Ерөнхий Ассемблей олон улсын энэ өдрийг манлайлан тэмдэглэх тусгай эрхийг ЮНЕСКО-д олгосон юм.

Глоб Интернэшнл Төвөөс Сэтгүүлчдийн эсрэг гэмт үйлдэл ял шийтгэлгүй үлдэж буйг таслан зогсоох олон өдөрт зориулан “Сэтгүүлчдийн аюулгүй байдал” гарын авлага гаргав.

Глоб Интернэшнл Төв Монголын Хуульчдын Холбоо, Дойчэ Вэллэ Академи/DW Академи/-тай хамтран  “Хэвлэл мэдээллийн эрх зүйн асуудал: нэр төр гутаах, онлайнаар үзэл бодлоо илэрхийлэх ба өөрийн зохицуулалт” сургалт семинарыг 2015 оны 10 дугаар сарын 28-30-ны өдрүүдэд Монголын хуульчдын холбооны байранд зохион байгуулна.

ЮНЕСКО-гийн Ерөнхий захирал хатагтай Ирина Бокова Сэтгүүлчдийн эсрэг гэмт үйлдэл ял шийтгэлгүй үлдэж буйг таслан зогсоох олон улсын өдөрт зориулан гаргасан илгээлтдээ улс орнуудыг сэтгүүлчдийн эсрэг гэмт хэргийг мөрдөн шалгаж, хуулийн дагуу зохих шийтгэл хүлээлгэхийн тулд хууль тогтоомж, хамгаалалтын механизм, зохих шинэ нөөц бололцоогоо ашиглан, шаардлагатай арга хэмжээ авахыг уриаллаа.

2015 оны 11 дүгээр сарын  2-3-ны өдрүүдэд Глоб Интернэшнл Төв, Нээлттэй Нийгэм Форум болон Цахим өртөө холбоо хамтран “Үзэл бодлоо илэрхийлэх эрх чөлөө ба Интернэт” сэдэвт олон талт зөвлөлдөх уулзалт зохион байгуулна. Зөвлөлдөх уулзалтад бодлого боловсруулагчид, хууль тогтоогч, шүүх эрх мэдлийн болон хууль сахиулах байгууллагын төлөөлөл, судлаач, төр болон төрийн бус байгууллага, боловсролын байгууллагын төлөөлөл оролцоно.