Дэлхийн банкны Нийгмийн хариуцлагын дэлхийн түншлэл (GPSA)-ын санхүүжилтээр 2014-2018 онд хэрэгжүүлэх “Монголын боловсролын салбар дахь ил тод байдал, эгэх хариуцлага” төсөл эхэллээ. Төслийг гүйцэтгэгч Глоб Интернэшнл төв нь Америк дахь Ил тод байдлыг дэмжих түншлэлийн сан (PTF), Монголын "Бүх нийт боловсролын төлөө!" Иргэний нийгмийн үндэсний эвсэлтэй хамтран ажиллана.

Дэлхийн банкнаас Монгол улсын боловсролын чанартай, хариуцлагатай, ил тод үйлчилгээнд хувь нэмэр оруулах зорилготой хэрэгжүүлэх төслийн баримт бичигт Глоб Интернэшнл төвийн тэргүүн Х.Наранжаргал, Дэлхийн банкны Хятад, Монгол, Солонгос улс болон Зүүн Ази, Номхон далайн бүс нутаг хариуцсан захирал Берт Хофман нар 2014 оны 12 дугаар 9-ний өдөр гарын үсэг зурлаа.

“Шударга сонгуулийн төлөө иргэний нийгмийн хяналт сүлжээ”-ний гишүүн төрийн бус байгууллагууд ННФ-ын дэмжлэгтэйгээр Транспарэнси Интернэшнл олон улсын байгууллагын Монгол дахь салбартай хамтран Улс төрийн намуудын санхүүжилтийн ил тод байдалд судалгаа хийж эхэллээ.

Ашиг сонирхлын зөрчил, авлигатай холбоотой гэмт хэргүүдийг илрүүлж буй мөрдөгч нарын багийн тухай Хангай ба түүний нөхөд буюу “Ус дээшээ урсдаг” телевизийн олон ангит уран сайхны киноны зохиолоос түүвэрлэж авсан оновчтой хэлсэн үг, харилцан яриаг Facebook дэх хуудсаар дамжуулан олон нийтэд хүргэж байна.

“Хэвлэл мэдээллийн эрх чөлөө ба өөрийн зохицуулалт" сургалтыг 2014 оны 11 дүгээр сарын 25-27-ний өдрүүдэд Дойче Велле Академи, Монголын хуульчдын холбоотой хамтран зохион байгуулсан. Тус сургалтыг Хууль ба ардчилал төвийн захирал Тоби Мендел удирдан явуулж, нийт 25 өмгөөлөгч, шүүгч, прокурор, сэтгүүлчдийг сургав.

НҮБ-ын Хөгжлийн хөтөлбөрийн дэмжлэгтэйгээр УИХ-ын тамгын газраас хэрэгжүүлж буй “Иргэдийн оролцоотой хууль тогтоох ажиллагааг дэмжих нь” төслийн хүрээнд “Глоб интернэшнл төв”, “Зориг сан” төрийн бус байгууллага хамтран бэлтгэв. “Мэдээллийн ил тод байдал ба мэдээлэл авах эрхийн тухай хууль”-ийн 23, 24-р зүйлийн хэрэгжилтийн үнэлгээ хийж эхлэв.

ЮНЕСКО-гийн Бээжин дэх Төлөөлөгчийн газар, Монголын Хүйн Радиогийн Холбоо төрийн бус байгууллагаас "Хүйн радиог ажиллуулах нь" зөвлөмж, гарын авлага эрхлэн гаргав.

Глоб Интернэшнл төв, АТГ-тай хамтран Авлигын эсрэг олон улсын өдөрт зориулан НҮБ-ын  Хөгжлийн хөтөлбөрийн дэмжлэгтэй  “Хангай ба түүний нөхөд юу хэлэв? кампанит ажил 2014 оны 11 дүгээр сарын 10-наас 12 дугаар сарын 10-ныг хүртэл нэг сарын хугацаанд зохион байгуулна.